اشعار مذهبی

قلب احبابی غم تیری دلدی
کچدی گونلر گینه جمعه گلدی
گلمدی مهدی یاندوخ فراقه
قالدوخ حسرت گینه اتفاقه
یا ابا صالح ادرکنی مولا
‌‌‌ای گل باغ حیّ تعالی
آی اولان شیعه پشت و پناهی
مسلمینون قوی دادخواهی
گل آقا الده حکم الهی
قبردن ثانینی چک تقاصه
حاضر اولسون او ملعون قصاصه
قانه قان ائتمسون بو جهاندا
فاطمی‌لر یانار هر زماندا
درد زهرانی یاده سالاندا
سسله یا فاطمه سنده بیز تک
مهدی یا مهدی عجّل ظهورک
گل آقا قلبلر دوندی قانه
باخ بو گوزلرده اشک روانه
غصّه ویردی اورکده جوانه
قویما تهمتده قالسین مسلمان
بالاخص اهل مظلوم ایران
کیم دیور گوز یاشیندا اثر یوخ
ورد و ذکر و دعاده کسر یوخ
آغلاماقدا نواده ثمر یوخ